काठमाडौं, ३० मंसिर । नेपाली राष्ट्रिय क्रिकेट टोलीका लेग स्पिनर सन्दीप लामिछाने दशौं संस्करणको बिग बास लिग (बिबिएल) टी-२० क्रिकेट खेल्न अष्ट्रेलिया जाँदैछन् ।
सन्दीप कतार एयरवेजबाट अष्ट्रेलिया जाँदैछन् । दशौं संस्करणको बिबिएल यसअघि नै सुरु भइसकेको भएपनि सन्दीप ढिला गरी अष्ट्रेलिया जान लागेका हुन् ।
सन्दीपले यो वर्ष बिबिएलमा नयाँ टिम होबार्ट हुरिकेन्सबाट खेल्दैछन् । यसअघि उनले दुई सिजन मेलबर्न स्टार्सबाट खेलेका थिए । स्टार्सबाट खेल्दै सन्दीपले २६ विकेट लिएका थिए ।
सन्दीप बुधबारनै अष्ट्रेलिया पुग्नेछन् । त्यहाँ सन्दीपले १४ दिनको क्वारेन्टिनमा बस्नुपर्नेछ । त्यसपछि मात्र सन्दीपले हाबार्टसँगको टोलीमा सामेल हुनेछ ।
