रास्वपा र कांग्रेसले आज समानुपातिक सांसद छान्ने

गण्डकी टाइम्स

शनिवार, फाल्गुण ३० २०८२

गण्डकी टाइम्स

शनिवार, फाल्गुण ३० २०८२

रास्वपा र कांग्रेसले आज समानुपातिक सांसद छान्ने

काठमाडौं, १ चैत। तिनिधिसभा निर्वाचनमा प्राप्त सिटका आधारमा राजनीतिक दलहरूले निर्वाचन आयोगमा नाम पठाउन धमाधम समानुपातिक सांसद छनोट गरिरहेका छन्। यस क्रममा नेकपा एमाले र श्रम संस्कृति पार्टीले समानुपातिक सांसद छानिसकेका छन् भने यसका लागि आज राष्ट्रिय स्वतन्त्र पार्टी (रास्वपा) र नेपाली कांग्रेसले बैठक राख्दै छन्। रास्वपा प्रवक्ता मनिष झाका अनुसार सामानुपातिक सांसद छनोटलगायत विषयमा निर्णय गर्न आज बिहान १० बजे पार्टीको केन्द्रीय कार्यालय (वनस्थली, काठमाडौँ) मा सचिवालय बैठक बस्दै छ। प्रत्यक्षतर्फ १२५ स्थानमा विजयी रास्वपाले समानुपातिकतर्फ ५७ सिट जितेको छ। यस्तै आजै दिउँसो नेपाली कांग्रेसले केन्द्रीय कार्यसम्पादन समितिको बैठक पनि बस्दै छ। बैठक दिउँसो १ बजे केन्द्रीय कार्यालय बीपी स्मृति भवन (बीपी नगर, ललितपुर) मा बस्ने छ। बैठकले समानुपातिक बन्दसूचीमा रहेका उम्मेदवारमध्ये दलले प्राप्त गरेको सिट संख्याका आधारमा प्रतिनिधि सभा सदस्य छनोट गरी निर्वाचन आयोगमा पठाउने कांग्रेसले जनाएको छ।

प्रतिक्रिया