आशा बीसीको रोमान्टिक तीज गीत ‘वृन्दावन’ सार्वजनिक (भिडियोसहित)

गण्डकी टाइम्स

बिहिवार, आषाढ २६ २०८२

गण्डकी टाइम्स

बिहिवार, आषाढ २६ २०८२

आशा बीसीको रोमान्टिक तीज गीत ‘वृन्दावन’ सार्वजनिक (भिडियोसहित)

काठमाडौं, २७ असार। चर्चित गायिका आशा बीसीको सुमधुर स्वरमा सजिएको नयाँ नेपाली रोमान्टिक गीत ‘वृन्दावन’ सार्वजनिक भएको छ। तीजको भाकामा तयार पारिएको यो गीत आशा बीसीको अफिसियल युट्युब च्यानलमार्फत सार्वजनिक गरिएको हो। गीतमा शब्द र संगीत रमेश परियारले तयार गरेका छन् भने संगीत संयोजन कृष्ण केसीले गरेका छन्। मिक्सिङ र मास्टरिङको काम विनोद परियारले सम्हालेका छन्। गीतमा पोषण घर्तीले मादल, भुवन गन्धर्वले ढोलक र तबला, हेमन्त कञ्चा रासाइलीले सारंगी, बल बहादुर जैरूले सानाही र सञ्जीव बराइलीले गितार बजाएका छन्। गीतको रेकर्डिङ ओजोन स्टुडियोमा गरिएको हो। सादिक्ष्या फिल्म्स प्रालिको ब्यानरमा निर्माण गरिएको गीतको भिडियोमा शिल्पा पोखरेल, बिक्रम बुढाथोकी र शुपला सापकोटाको अभिनय देख्न सकिन्छ। भिडियोलाई सुनिल बीकेले निर्देशन गरेका छन् भने नृत्य निर्देशन रोशन विश्वकर्माले गरेका छन्। गीतको कर्णप्रिय स्वर संगीत र उत्कृष्ट अभिनयले गीत दर्शक–श्रोतामाझ लोकप्रिय हुने विश्वास गरिएको छ। हेर्नुस भिडियो : https://www.youtube.com/watch?v=5FbWIBs9eCI&ab_channel=AshaBC

प्रतिक्रिया